كلمات اغنية بني خالد عواد العواد 2024

تهيض القرايح لا حصل فالمديح اشعاف

على هامت اللي ماكره بادي القمه

وتهادت على طاريه بنت المواهب قاف

وااماري به القيفان بـ العزم والهمه

وابو سيرةٍ بين الرياجيل ماتنعاف

عليها النعم ينساق في ذمتي ذمه

وطاريه بالنوماس عدابي المشراف

يـومٍ الفتى لا طاب طابو بني عمه

اجي له من ظروف الليالي علي اخلاف

اعوّد ظروفي منه ماهيب ملتمه

تطيب النفوس اللي بوقت اللزوم اخفاف

وتثقل نفوسٍ ماتناحي هل اليمه

الا يابومحمد على داعي الميقاف

لنا وقفةٍ في حزة الواجب اتمه

وحنا بني خالد هل المجد والاعراف

على لجام حيزٍ تدحم الماد وتطمه

تطيح العزوم اللي على ضاري المنكاف

وحنا عزايمنا على ضاري الجمه

طراة المدايح فالقصيده بدون اهداف

الا رد معروف ابن عمٍ لا بن عمه