كلمات اغنية شعابين الفخر عواد العواد 2025

من منتصف ليلي على الدله ليا زاح الستار

وكوعي على مركاي وافكاري على قطع النظير

اسامر بيوت القصايد واتنقى فالبكار

واحط وسمي فالغفال وفوقها الوسم الشهير

وليا صفا جو المشااااعر والقريحة نار نار

انا وريث الشعر وشدادي على وسق البعير

شاعر وامثل لابتي في كل ميقاف ومدار

ليا دعوني لابتي جيت المواقف م استخير

قلته وانا محمد ولد محسن ومن نسل الحرار

نهجت نهج ابوي في دربه ولا اخلفت المسير

راعي شداد ولا على شعري ليا قلته غبار

الجّم النقاد وابدع قاف للناقد عسير

من دون ربعي ماتعودت المشاغل والعذار

انا سلاح عيال عمي كل م صاح النذير

ابشر يابو ممدوح ببناخيك وهجوسه شنار

وانته مجملنا وفيك القاف لاقلته مثير

راس شعبانين يحوز الطيب وفعوله جهار

ربي عطاه العزم والسمعه مثل نفح العبير

في كل يوم يجدد امجاده بـ قوّ الازدهار

وزير للفزعة يمينه تعدل اوضاع الفقير

سلطان بن خالد والاسم اللي مثل شمس النهار

يشرق بـ مجدً م انحجب بين البدايد مستنير

ركن القبيله درع لاخوانه طويلين العمار

عيال خالد معقل الطالات عون المستجير

اهل الكرامة والوفاء والجود واهل الافتخار

على دروب العود ممشاهم ليا اليوم الاخير

متوارثين الطيب ومبدانا على نفس المسار

م الله خلق فينا ذليل ولا خِلّق منا قصير

من نسل شعبان الزيادي محتمين ام الحوار

قومً من الامجاد يروي فعلنا السيف الشطير

يشهد لنا التاريخ واسمانا مع العالم كبااار

ادخيلنا شهرين فوق العام في نعمة وخير

ربعي شعابين الفخر دايم تحب الانتصار

ميرادنا بـ ايماننا ميرادنا عدً غزير

عدونا مخذول وذاق الذل وطعم الانكسار

ليا حضرنا كل طاغي قر بالعلم القرير

اسم الزيادي في سما الامجاد والطاله وقار

اهل مهيوبة معقل الامجاد والفعل الكبير

افخر واماري واتسموى في ربوعي باختصار

واللي ربوعه مثل ربعي صيّر اللي م يصير