كلمات اغنية متوارثين المراجل عواد العواد 2025

ياراكب اللي مصدر من وكالة جميح

جديد من مصدره مابعد نزل السبير

حمار لون البدي تقول وجنة مليح

ومراتبه. كنها منسوجـتاً من حرير

اليا عطيته يخم الارض خمة شفيح

خوفاً من الارض من قو المكينه يطير

سجيت ابه في طرف واداً نضير وفسيح

وادي حضن جعل يسقيه السحاب الغزير

صوته يعزف اللحون ويبري اللي جريح

يبدع بعزفه وانا ابدع كل بيتاً جدير

جزل الفرايد تقادح وسط فكري قديح

قدح الرصاص الحمر نهار يوماً خطير

ابشر ي مشرع وانا دون الخوي ما استريح

عقب صبيا ليا جات المواقف ضرير

دايم مجمل وقولك فالمواقف فصيح

ومن ينتخي بك. يبي يرجع وهمه يسير

يامرحبا عن رجالاً يكسبون المديح

اعيال مشرع هل الطاله وقدراً كبير

متوارثين المراجل وخذ قولاً صحيح

الكل منهم على الطاله يحث المسير

اعيال عودا يوماً الوقت مده شحيح

منصى لربعه وعوناً للخوي والقصير

اليا بدا عقد الاريا دوم رايه رجيح

وليا بداء الموقف الغصاب سيفاً شطير

كساب والنعم دايم سمعته ورد شيح

عساه في وسط جنات النعيم ياقدير

حياكم الله على. الكرمه وهبات ريح

سلماً لربعي في ماض الواقت ولا الاخير

يقولها شايباً فيه المدايح طفيح

لحل طاريه قامت له تباشر بخير

ابو سعود الكريم يفداه راس البجيح

راع النبا الطيب اللي يمن المستجير

راع البشاشه وابو صدراً رحيب ونصيح

من طيب راسه وساسه دايم اسمه شهير

في حفل قرماً صميدع راس نهجه صريح

يقدم. على الطيبه من يوم عمره صغير

احمد حميد الخصال ورايتة ماتزيح

عسى السعد فاله وعساه دايم بخير

من ربعي اهذيل واسمع ي فهيم الصحيح

في قمة المجد والعليا ما معنى خشير

افـعـالنا ثابته وعـزومـنا ماتطـيح

وامجادنا في. سنام المجد. بدراً منير

نعسف صعاب الامور وسدنا مايبيح

وفزعاتنا تمن الخايف وتبر الضمير

وسامة الخذعه اهل الفعل يوم النطيح

مـضرابنا فالنـحر نهار صوت النـذير