كلمات اغنية شهامة روضة عيضه المنهالي 2025

شهامة روضة 

كم قلت له حاضر وحاضر وحاضر

من طيب نفس وخوفي اكسر كلامه

المشكله ما هي بكسر الخواطر

المشكله خوفي يمس الكرامه

بي جرح يا ليته مع الوقت عابر

ما قال لي مشكور ومع السلامه

علمني ويش معنى طعون الخناجر

وان القريّب طعنته مستدامه

اكذب على نفسي ونا قول باكر

الليل راح وكم ترك لي ظلامه

فيني كلام اتخاف منه المحابر

حتى القلم يرجف عتاب وملامه

ما كل جرحٍ له حضور ومنابر

تكتمه تصحى به وترجع تنامه

المشكله لا كنت راعي مشاعر

تسكت لا كن الوقت يرمي سهامه

في طارف عيوني رحيل البواخر ..

وكفوف دنيا وّدعت وابتسامة

ومشاعري شنطة سفر لأي شاعر ..

فيها تجارب عّزتي وانهزامه

راحت حياتي بين طّيب وغادر ..

والصدق أصبح بالوجود انعدامه

واللي غلبني ما يسّمى بشاطر

انا خسرت ولا خسرت الشهامة