كلمات اغنية اتظاهر بالسعاده فالح الطوق 2022

ي عيون موحشن فرخ حرن من حرار

ماكره في راس عيطا وميصاله عسير

اشهد ان حبك على القلب سيطر باختصار

وصرتي اغلا من على الارض بقدامه يسير

حب غيرك جاعلن بيني وبينه ستار

منعمي عن حب غيرك وفي حبك بصير

ي ولبفي حط للحب قيمه واعتبار

لا تخليني مع الناس مجهول المصير

انت زينك يتلع الجيد للعاشق دمار

اتظاهر بالسعاده وانا وضعي خطير

فالنهار اشلا شوي بس لا قفا النهار

وعذابي ضلمة الليل فيها وش يصير

حالتي حالة من يلف كسره بالجبار

ما يذوق النوم فالليل من عظمه كسير

بين شوق وبين رجوى ولحظات انتظار

راح حالي لجلكم يالله بمقسوم خير

ايه انا مجنونك المنتحر سر وجهار

مخلصن لك بالغلا مالك بقلبي خشير

مخطرن من عقب فرقاك لا راجع شهار

كان طالت زرت سجن المجانين الشهير

وان خذاني الموت فالحب قصاف العمار

الله يبيحك ليامت يالغرو الصغير