كلمات اغنية الريم العديم فالح الطوق 2025

يالله اني طالبك ياسميع وياعليم

تفرج اهموم بقلبي تزايد خوفها

من سببها صرت اهوجس وانا قلبي امهيم

والليالي السود لمت علي احذوفها

والخيال يروح بي للجديد وللقديم

واتخيل بعض الأشياء وانا ماشوفها

علتي عله وقلبي من اهمومه سقيم

والهموم المتعبه ماقدرت اطوفها

يامحمد مابقى لي على الدنيا نديم

ولا بقى لي صحبة ينذكر معروفها

عشت في وقتي وكني بهاالدنيا يتيم

ماتوقعت الليالي تشين اظروفها

ولا تصورت المحبه بواقعها أليم

والحسافة والندم ماتفيد احسوفها

لكن اللي صار من سبة الريم العديم

واقعاً مؤلم ونفسي تلد اشفوفها

والطعون اللي بقلبي اثرها بالصميم

والله ان اموت ماانسى طعون اسيوفها