كلمات اغنية راع الحمايا فالح الطوق 2024

مرحبا باللي علي طول اغيابه

كل ما جاني جعلني بغيبوبه

وش جديدك قال قافن بيدرابه

ما نجيب اللي هل الشعر غنوبه

صب له فنجال كيفن ي صبابه

واخذو الجوال مني وروحو به

هاجسي ضيفن علي واحسب حسابه

يوم وقفاته معي دوم محسوبه

كن ضلع طويق ذالليل وهضابه

فوق صدري يالله العفو والتوبه

الوناسه عندنا قدهي انهابه

وضحكتي في تالي الوقت مسلوبه

والليالي تبغي اعزوم ومجابه

حاجتين ي فتي الجود مطلوبه

ولا انا مرهي بعزمي ولي لابه

وشاعرن يفحم هل الشعر بدروبه

شاعرن لو عضه الوقت بنييابه

ما تغير قو بيته ولا اسلوبه

والقصيده بنت شيخن ونصابه

مع رهاوت زينها هرجها اعذوبه

كل يوم وعندها الناس خطابه

وتعتذر وتقول لناس مخطوبه

شفها حرن يعيشه مخلابه

ما تبي اللي كل ماهد محروبه

شاقها راع الحمايا وتزهابه

شاقها المقباس ثم جته مكتوبه

نادرن ومعربه شايبن جابه

بادين مبدن هل الطيب عدوبه

مشيد للعز قصر فتح بابه

من الوفا بانيه طوبه على طوبه

ماشعن سيف المراجل من جرابه

وكن دماغه وسطه النار مشبوبه

ابو تركي للخوي درع وعصابه

نلتفت لا شانت اوضاعنا صوبه

اسعدين سعد منهو تهقوابه

ابلجن كل الملاحيق ماروبه

فزعته احلى من الماء لشرابه

وللعدو سمن ع الكبد واعقوبه

طيب ابو تركي ترى ماله مشابه

ابك لو تطلبه ثوبه حذف ثوبه

القصيد الجزل ابو تركي اولابه

تارده الامداح ماهي بمغصوبه