كلمات اغنية منك الفرج فالح الطوق 2021

يالله ياقاضي الحاجات ياهادي

ياللي تعليت عرشك بالسمواتي

منك الفرج والسعد يالمفني البادي

وتسند عليك الشكاوي والدعواتي

بيني وبين الليالي حرب وجهادي

لين انثلم سيفي وضاعت طموحاتي

يالله من ريهجان الحزن بفوادي

اروى متاهات صدري وايبس شفاتي

ياحرق كبدي نفد صبري ولافادي

لين التصبار. وردني نهاياتي

عليك ياللي حويت انواط الامجادي

يابوي ساس الوفاء رمز الجزيلاتي

بالسيره العطره وحسن النبا سادي

والسمعه اللي على روس المنيفاتي

ذكره وطاريه مسك وعنبر وكادي

إيعطر به المجالس كل ما ياتي

العوج والقيل عنها عاش متحادي

يكرم عن الهون نطاح الصعيباتي

الدار تنشد عنه والضلع والوادي

والفاطر اللي ترقب له متى ياتي

كنها تدور لزوله بين الاشهادي

واخلجها بين درهام وتلفاتي

من الضحى للعصر سرداد مردادي

وحنينها أقزى عربها ماحدن بات