كلمات اغنية يالله تكـافـي فالح الطوق 2024

يا نفسي اللي على الطاعات محتاجة

لو كان تقصيـرها بالحيل مزعجـها

لو رجلها فـ المعاصي دوم دوّاجـــه

لكن عطايا الله من الخير تحرجها

وأن كان ضاقت علي دنياي في حاجة

ارفـع يديـني لـ ربّـي دوم يـفـرجـها

تبقى صلاتي طبيب الروح و علاجـه

تغسل ذنوبي و روحي لي تعـالجها

يالله تـكـافـي بستـرك نـار وهّــاجـه

ماغيـر عفـوك ولطفـك بي يخارجها

وابليس مزعج يوسوس لي بمنـهاجه

ربّـي مـحـذّر عليـنـا وش نتـايجــها

والعبـد يعـرف بمدخالـه و مخـراجـه

لو تنصح النـاس ما تسمع مهـرّجهـا

استغفـر الله وفضفض بالدعاء نـاجـه

يسـمع دعاكم ويقضي لك حـوايجـها