كلمات اغنية ياوجد حالي فالح الطوق 2021

يقول من عــدّا بروس الشواهيق

اللي مباديها صعيبٍ تشافي

قولٍ على مبنى ومبدا وتوثيق

فيه البيوت الوافيات النظافي

من هاجسٍ برهن جزيل الطواريق

اختار معناها وصـاغ القوافي

ياوجد حالي ياصفوف المطاليق

ياهل الوفى واهل السيوف الرهافي

من ما يزيـد الهـمّ وينشّف الريق

ويشّب نار الحزن عقب العوافي

حظٍّ بعمق النوم ماظنّي يفيق

بيّن لي الصدّة و شرح التجافي

واصبحت في وضع دروبه مغاليق

وغرقت في بحر السنين العجافي

واحزني اللي ساكن بالمعاليق

ابطيت في قلب العنا مستضافي

وا فكري اللي تجلب الهم والضيق

اتحدني لين اسري الليل حافي

وا شوقي اللي تدعم القلب تشويق

جبرتني وابـديت ماكان خافي

وا حالي اثيابك من اوّل بك تضيق

واليوم اشوف العكس والاختلافي

وا حظّي اللي خالفتك التوافيق

مافيه امل تصبح معي يوم وافي