كلمات اغنية وجه الزمان فايز الدوسري 2025

البال ضايق ومشي الليل مشي مغصوب

مايرحم اللي على انسام الصباح ايخوى

يحس بالغربه اللي مايحب الغروب

وتوقفه ذكرياته فوق سقط اللوا

ماعاد للصبر مرسى فوق مينا القلوب

استنفذته الظروف وعرضته الهوى

نحاول انسكر الثغرات من كل صوب

وانفك باب الشعور اللي على مستوى

دروس الايام غير وكل درس محسوب

قد علمتنا الصهيل وعلمتنا العوى

ياما عطشنا من الوقت وشربنا الهبوب

لو ان محدٍ من انسام الهبوب ارتوى

نقصر احيان والمشروه نارٍ شبوب

لو انها ماهي بنزاعةٍ للشوا

ماقدر وجيهنا وجه الزمان الشحوب

وجّه علينا الفلاش وحطنا محتوى

مدري متى يلطم البارق عيون النصوب

والضامي تصير كبده مثل عين الجوا

ملامح القل في اللي يفعلون الوجوب

عجاجةٍ في مقاديم المطر لا ضوى

ليت السنافي ليا زادت عليه الكروب

يلقى مثل مالقى موسى بوادي طوى

ياكثر ما اتعب ليا شفت السرور محجوب

عن وجه قرم من صدوف الحياه اكتوا

شعوري الصادق اصدق من عيون الكذوب

اللي تعلم عليه وتفضحه لا غوى

اعامل الناس بالحسنى وصدري رحوب

واشوفهم في عيوني كلبوهم سوا

من كثر مانيب سيده في جميع الدروب

اروح سيدة ليا من الطريق التوى