كلمات اغنية الزين المدي فايز العتيبي 2020

ياحمامه لاتنوحين منك الصدر ضاق

هاجري عن فيت الدوح والغصن الندي

من سبب جيرتك جاني عن الناس انشقاق

كل عصر ودمعت العين تمسحها يدي

ضفي جناحك وطيري مع اوساع الافاق

اجنبي لسهيل ولا اشملي يم الجددي

وتركيني في مداهيل لوعات الفراق

صرت افضل عزلت النفس والعيش وحدي

بين حلمن ماتحقق ولا منه انطلاق

وبين صبرن باح سده ونظرت معتدي

اظهرت لي عالم الهرج والفكر المعاق

كل يوم وفي طريقي غشيمن محتدي

العذل يدخل مجال الخيانه والنفاق

عندكم يامعشر اهل البساط الاحمدي

من تولع في بها الحسن والخصر الدقاق

والعيون اللي لو تناظر الشيخ يغدي

لاتلومونه لاسجل مع الحزن اتفاق

وقام يمشي مع تهاتيه هجره ويعدي

شبه وضحا مع هل الوضح لايمكن تساق

غير مع ناصر بن قريع عوق المعتدي

افتدت راسه ولا مثلها جا في النياق

كلمتن تهرج بها الناس قبلي وبعدي

فوق الارض وكنها تسبر السبع الطباق

ناهيه والساس مايلحقه عرقن ردي

بكرتن باقي لها شهور عن سن الحقاق

في طياشان اول العمر والزين المدي

والله ان الصد والهجر منها مايطاق

لو اقاصي ميلت الوقت والحظ الردي