كلمات اغنية الملح والقبلة فايز العتيبي 2020

تلج الضلوع وكن فيها مرابط خيل

والى بان صدر الليل يضرب لها الطبله

شعوني هل الوضحا وهم يرقبون سهيل

ولي صاحبٍ ذالعام ثالث وانا ارقبله

عليه الاماني عِلّقت والاماني حيل

ادرّج بعضها شرق ويعود من قبله

علي الحرام اني لقيت العنا والويل

من صويحبن ماشفت بعده ولا قبله

ابو ناعسٍ ماهوب ضاري على التكحيل

وابو حاجبٍ كنه ورقة ليّن الربله

وابو مبسم قٌبله ولاهوب للتقبيل

وكاد ان جبينه جامع الملح والقبله

يقهوا من اغسال الفناجيل صبح وليل

الين اصبحت كبده من الناس مندبله

ثقيل الخطاوي لامشى كنه بارد حيل

تقول ان حمام الدوح فالمشي ينسب له

ليا اقفى تحلف انه ربى في طوارف سيل

ولاقبل لكنه يرجي الغيم في وبله

بخيل الوصال وعرق ربعه مافيه ابخيل

وذا والله اللي لاعبن فيني السبله