كلمات اغنية ياليل أشوفك فهد بن فصلا 2026

ياليل أشوفك ونس خاطر واشوفك وطن

ترتب الخطه اللي كانت مبعثره

لا رحت أسامرك من ونسه ماهو من حزن

ماني مسامرك مثل اللي يحب وكره

عطوني الدله اللي بنها فاليمن

يابري حالي لا قالو قهوه مقطره

أنا وصلت بقصيده فارقه واللحن

عند ابن عمن علومه كلها مفخره

اصدح بصوتك يا بن فصلا كفيت الغبن

يالرقم الاصعب قصيد المبدع تقدره

الطيب اليا هقى فينا الجزيله ضمن

طيبن حقيقي مافيه دعايه وشوشره

يمنَى قوي العزايم تستحق السمن

ويمنىَ الضعيّف يسار ومع هل الميسره

راسن على العز مايثبت مقامه طمن

وراسن على المرجله والطيب فيه انعره

ياخالد محمد ابشر بي وسم وتمن

يامحزم اللابه اللي للقسا تذخره

نعرفك يالوافي اللي لا قدم ماجبن

ياترثة الشايب اللي ماجهلت اخبره

محمد كريم الكف لا وصله البلشان

قضَى لازمه حتى لو الحال يادوبه

عدو الرداء ماتزعله هرجة الرديان

يماري بفعله والمواقيف محسوبه

وانا ما اعرف الصده والأعذار مهما كان

ليا من نصاني وافين طاب ماجوبه

قصيدة لبن مضواح فالمحزم المليان

عليها الوسم ماهيب للغير منسوبه

ياخالد عرفتك راس قوم وفصيح لسان

فداك الهزيل اللي كرامته مسلوبه

وسبعين نعم وعادتك تكرم الضيفان

وننصاك لامن الزمن ضاقت دروبه

وربعك بني بشر الدواهي عمَى العدوان

محازم ظفر في ساعة الضيق مكروبه

زحول المحافيظ اسمهم بالفخر رنان

معاديهم اليا شافهم يعلن التوبه

هل الفزعه الحيه ليا قيل ياقحطان

تواريخنا في صفحة المجد مكتوبه