كلمات اغنية اخو شما فيصل المداريه 2025

اخو شما 

على الوفا والعز والجود والطيب

منهاجنا على السلوم الصحيحه

عشنا على الدنيا وخضنا التجاريب

ونسعى مع العالم في الارض الفسيحه

وانا على الدنيا من ابناء التجاريب

وصريح واحب المبادي الصريحه

احيان نخطي الدرب واحياناً نصيب

واحيان مانبغي من احدن نصيحه

والطيّب الطيّب .. قليل العذاريب

الله يبلا اللي … يدوّر مطيحه

لكن لا جاء واجب بني عمي اجيب

اللي تنومسني ولا هي شحيحه

واليا استوى قافي وسقت الهناديب

في مثل اخو شما تزين القريحه

ناصر ولد ماضي عطيب المضاريب

هذاك اخو شما عسى الله يبيحه

عودٍ لا منّه .. غثربن المشاريب

يفدونه اصحاب الوجيه القبيحه

فزعه وجاه وسمعه وكرمه وطيب

وفي نطحه المعروف ماحدن نطيحه

بيته من بيوت الكرم والمواجيب

مرقة الذبيحه في مرقة الذبيحه

واسمه يرفرف فوق روس المراقيب

لا يمكن صدوف الليالي تزيحه

واخرّ له عيالن تسابق على الطيب

وهداتهم مثل الصقور الجريحه

يامرحبا ونسوق جزل التراحيب

على النقا وعلى السلوم الصحيحه

حفلة ولد عمي حصان الاطاليب

صالح ولد ناصر يجمل مديحه

نجم سطع في الربع ومع الاجانيب

من فوق روس الطيبين اله ضيحه