كلمات اغنية حربة المداريه فيصل المداريه 2025

حربة المداريه

برق القصيد اللي مثل جمع الغثير

اليا اشتعل براقه ودن رعده

قام يتمزع كنه الغيث الغزيز

لا قام يضرب جرهد البيد برده

اليا ضربت مسامع الجمع الغفير

الشايب ترده على عمر ولده

وشلون عاد اليا نصت زبن الجوير

ولد الحصان اللي يبّشر بسعده

ابوك يوم الناس .. واقعها مرير

من الكرم والجود ماشحت يده

عودٍ على ربعه يزيد الخير خير

مافي لا قبله .. ولا فيه بعده

وجدك حمود متيه الملحا النظير

وفي كل دارٍ لابغتها .. تبجده

فعله لحاله يحتمي بنت البعير

وتخض نجد مصدره ومورده

وصالح حزامي شذرة السيف الشطير

نارٍ على الشم النوايف موقده

هذا ابن عمي لو يصير اللي يصير

فيه الخوي يشوف عزه وسنده

اليا نوى له شيٍ .. براسه يصير

وبالمرجله مافتر عزمه وجهده

راسٍ يروم العز في اليوم العسير

كل ماكبر حملٍ على الربع هبده

اسمك يابن سبتان فوق وغير غير

الله يلعن .. من يبور ويجحده

فعلك يشوفه يابن سبتان الضرير

ويفك قيد اللي ،، يديه مقيده

من لاد شالح ربعي ان صاح النذير

قومن على العدوان نارٍ موصده

هم حربة المداريه ومن لاخير

قبيلةٍ (( بامجادها )) متفرده

ضرباتنا في كبد شيخ وراس امير

وطعناتنا لها على الكبد لهده

والوقت لو حمله كبر حرة مطير

حنا الحمل يشتاله الرجل بيده

ووقفاتنا تفرق عشير عن عشير

والله ماجتنا .. بارده ومبرده