كلمات اغنية العمر رحله ماجد خضير 2026

العمر رحله وكلٍ عايشٍ يومه

مادامت الا لوجه الله يا عبدالله

واللي من صدوف وقته يشكي همومه

لايشكي الوقت وصدوفه لغير الله

خلك مع الحق والارزاق مقسومه

والطيب يبقى ودربه كلن يدله

والطيب مثل البحر ماكلً يعومه

وماهوب صعب علي اللي طيبه جبله

ولا كل من قال علم تغرك علومه

بعض السوالف دوادي مالها مله

ونواقص الهرج للرجال مفهومه

يعرف معاني الكلام ودقه وجله

هذي نصيحه تصحي الرجل من نومه

قاف ثمين ولبيب العقل يفطن له

قصيدة عن هزيل القول معصومه

مثل الدوى للعليل وتبري العلّه