كلمات اغنية مخلا الطروق ماجد خضير 2026

مخلا الطروق

بان نور الشمس وعيوني اتخيل البروق

ومن عيونه خايلت برق ماحوله منام

ساهر ليلي واغني على كل الطروق

والقريحه وبل وسمً من حقوق الغمام

من يذوق العافيه راق له مالا يروق

ومن فقدها قال قولوا على الدنيا السلام

وكل متفائل حياته لها معنى وذوق

ومن تشائم في حياته مشى عكس النظام

الرجال رجال لكن يجي فيهم فروق

لو نقول ان تربية كل خلق الله تمام

والبضايع سعرها مختلف في كل سوق

والرجال تبين بالفعل ماهو بالكلام

امدح الطيب بفعله وانا رجل صدوق

والله اني مامدح الا رفيعين المقام

مثل ماجد مقعد الأبلج مخلا الطروق

يمه الامداح تارد مثل ورّد الحيام

ذخر مقعد طايل الشبر مقطاع الحقوق

شايبً قسمه من الطايله ذروة سنام

مزبن اللي لاحقه من صدوف الوقت عوق

ودون ربعه فالمواقيف مقدام وهمام

نسل قطمان المحازم عريبين العموق

لادم عاصم مركي عتيبه ان ثار العسام

ذكره الطيب وصيته ووقفاته تشوق

وفزعته عجله ولايلحقه عيب وملام

تفتخر به لابتي كلها برقا وروق

ماجد الدجران لعتيبه الهيلا حزام

تجري حمياه في دمه بمجرى العروق

ووقفته مع كل من ينتخيه بشكل عام