كلمات اغنية يا عتابه عيدو عاد عيد المسلمين ماجد خضير 2026

ياعتابه عيدو عاد عيد المسلمين

دونكم مالي عذر و الشعر تبت يداه

انتم الهيلا المهيله كعام العايلين

صفحة الامجاد تروي مايفعله الدهاه

فالسنين المستجدة و عصر الاولين

فعلكم وسط الجزيرة يشرف محتواه

تمنون الخايف امن العداه الطامعين

لا زبنكم والله انه يبّشر بالنجاه

ترتع البل في ذراكم نهار المارتين

في نحا الخيل المغيره من ايدين الرماه

في زمانٍ فيه صوت العزاوي والحنين

ذودكم يرعى الفيافي ويقطف من ثراه

ومن يخاويكم يشوف الوفا في كل حين

العتيبي ما ينافس وفاه الا وفاه

المواقف تشهد الكم وحنا شاهدين

من يبا الخوه يخاوي حداكم لا لقاه

عزوةٍ فوق الثريا لحد الفرقدين

اسمها السامي مشيد وعالي في سماه

عن مطير اقولها ربعي اللي فارقين

وعند خلان الاشده مايبغالي وصاه

من هجوسٍ كل مره تسر السامعين

تبتكر من فكرها شعرٍ امشرف صداه

نادرات الشعر الاجزل لمدح الغانمين

كان ما رتبتها ماورى شعري غناه

شاعرٍ مطلع قصيدي منا للمبدعين

والجديد اليا كتبته تناقله الرواه

متكل بالله و بالله عباده تستعين

وامتجدد في قصيدٍ يهيض من قراه

جامعٍ شعر الحداثه وشعر الراحلين

في مقام اللي علومه تجمل ف اخوياه

نادراً لو معرفتنا سنه كنها سنين

كل رجمٍ للمراجل بعزمه قد رقاه

الشجاعه والحمايا صفات الصاملين

وانت يبن حمود هذي صفاتك بالحياه

يارشيد الله يوفقك ياذرب اليمين

وياعسى افراحك ترافقك في كل اتجاه

في سما نجد الحفل مزدحم بالحاظرين

تستحق المحفل اللي يشد الانتباه

ياذخر منهو يحيي على سمن و سمين

عايضيٍ و المكارم سماتن من سماه

ياحمود ابن سعد يازبون المنتخين

رايتك بيضاء ووجهك يبشر من نصاه

لانصاك العلم حنا ترانا خابرين

خابرينك ي ابيض الوجه تاقف وتحماه

ولاعطيت الراي رايك يدل التايهين

ينقض كبار الدعاوي (مثل) (كما) حكم القضاه

وقفتك يابن سعد تجعل القاسي يلين

ثابتٍ في كل ماقف مثل ضلع السراه