كلمات اغنية يوسفيه بالجمال ماجد خضير 2025

الجفا بعد الوفا هم قلب وبري حال

من هنوفن عيني إلها وقلبي يمها

فارعن في خافقي حطت السحر الحلال

مثل ماحطت ذوات الجمال بكمها

هاشميه بالنسب يوسفيه بالجمال

ماهره في بخترتها وخفة دمها

كل مامرت عليه ومر إبها المجال

قمت أبعثر ذكريات الزمن وألمها

وأتذكرلي وصوفن مثل نسج الخيال

نوب يخطيها خيالي ونوب يخمها

ماتفارق متحف الذاكره طول الليال

ودي أمدحها بوصفي وأخاف اذمها

عارضتني بين مشي التبجح والدلال

عين خرشاً في رفيع الجبال وشمها

صدرها عن جسمها فيه زمه وإنعزال

خوختينه في علوه على أول زمها

يدلج الخمري عليها لشلاله ظلال

لو تركته ينتثر كلبوها طمها

عن جبين الصبح تفهق سواده لين مال

وفي خصاله تفرد إيدينها وتظمها

مالها من خصرها الا كبر قوس الهلال

كل كتله يوم تمشي تجره يمها

إنتحت والبعد عني قطع كل الوصال

والقلق دمر حياتي وحالي سمها

حايرن ماعاد عندي على الصبر احتمال

لو يرفى مثل بيرن يرفى جمها

والله المعبود لولا الكرامه راس مال

من بدايات الطفوله وأنا انقل همها

ماتراجع لو تطيح العمامه والعقال

لين أجيها لو تجي بين ابوها وامها

لو ثمنها قص راسي ودفنه فالرمال

المهم اللي بدى في لزوم يتمها