كلمات اغنية يا حظ بيت ربوعه مالك الهريسي 2021

ياحظ بيت ربوعه اللي كل يومٍ يدهله

ياحظ بابه لافتحه ورحبت به صالته

ياحظ بيته ياسعد شارعه يامبخت هله

لو له كفوف البيت كان ارخت عليه وشالته

ياحظ من قهواه ومن مد القدوع وصب له

يحظ فنجاله ليا شاله وحظ بيالته

أليا رضي يقبل مثل مهر السباق المقبله

واليا زعل اسرع من الريم الجفول جفالته

المترف اللي كل مامر الخيال اشتاق له

الدرب دربه والعيون اللي تحبه خالته

مدللٍ من يوم ماربي خلقه ودلله

يمشي وياخذني معه بقفايته وقبالته

يا حارقٍ قلبي البني يا ماركه يامشكله

الزين ماعمره كمل وشلون صرت اكمالته

في كل راس اسبوع لامني بقيت اواصله

لاقال فمان الكريم القلب تنكس حالته

ي حلم عمري ي غلاي أمن آخره لين اوله

فكرت ادور لك كلام الناس ماكد قالته

شفت الوله يامكبره تعال عاوني شله

شف كيف قدرك لو تطاوله العرب ما طالته

قلبي خلي مامره العاشق وداج ابه ودله

ماتذكر انك ي الغلا ماخذه من وكالته

جيتك اشيل احلامنا ويشيلنا ريح الوله

والقلب جمل حبنا لين اكملت جمالته

اي والله ان حبه مثل حب الضنى عند اهله

والله ان تبطي أيامنا من داخلي ما شالته