كلمات اغنية يومي قبل يومه مالك الهريسي 2023

تكفون سلمو عليه وخوذو علومه

وقولوله اني تعبت وشانت علومي

اذا يبيني عسى يومي قبل يومه

واذا نساني عسى يومه قبل يومي

الحب اكبر من المشروه واللومه

لو كان وافي معي مايلحقه لومي

اقبّل ارماح طبعه واعشق سهومه

واكسّر رماح قلبي وادفن سهومي

اسهر عشانه وهو في سابع النومه

وانا عيوني عليه تخاف من نومي

والله لو ينشرى غير افرق السومه

ومحدن يساوم عليه اليا سمع سومي

احب اسمه ورسمه واحتمي ل قومه

رغم ان ماله صله بربعي وقومي

واذا تمادى بجفاه وغيّر سلومه

سلمي على راسي المطنوخ ي سلومي

لو يحبْك خطته ويكثف هجومه

انا دفاعي بداياته من هجومي

النفس ماهي على المقفين ملزومه

لو ان قلبي على ماصار ملزومي

لو صام وصله كبْر ماينقبل صومه

لايحتري صدتي ولايحتري صومي

من ضاع في هلوسة الايام وحلومه

ماشلت همه لو انه عاااش بحلومي