كلمات اغنية شامخ الوقفات مبارك الدوسري 2025

شامخ الوقفات

من بني حراش مزبان الونيه

معقل ابيوت الكرم للي نصاها

دون حد اديارنا سقنا المنيه

لين صرنا عزوةً يصدح نباها

الهجوس اللي لها روحه وجيه

في ضمير المفردات اللي حواها

كلما هجرست بالقاف وخويه

ابتدت بي رحله ترسم غلاها

اتغنى وادري الدنيا مديه

من هواجيس يجاذبني سناها

فالفياض الجرهديات الخليه

انثر السبحه على صحوة سماها

وان نويت ازحم سبيب الشاذليه

من هواجيس تسابق في سراها

ماعلينا من كلام الاكثريه

صافي الكلمه يوضح مستواها

من شبك في شوره اشوار البريه

حطته سحم الحسايف من عشاها

صوب صالح تندفع عصماء نقيه

جوهريات القصيد ومحتواها

والوصوف اللي وهبه الله هديه

كايدات تلحق الدنيا مداها

الشهامه والكفوف الحاتميه

والخصال اللي كما اخلاقه حواها

طنخه وصمله ونوماس وحميه

وهيبة تمشي هل الهيبه وراها

ولد عودً له كفوفه حاتميه

المراجل با ابهض القيمه شراها

شايبً حاز الكرم والقابليه

كرمةً يقرن غداها في عشاها

صافح امجاده بوقفاته الابيه

بالكفوف اللي كما الغرا عطاها

شامخ الهامات عزم ومعنويه

كلمته لاقالها يدوي صداها

من ربوعي أهل وقفات وحميه

عزوةً بالطيب محمود نباها

من بني حراش مزبان الونيه

ومعقل ابيوت الكرم للي نصاها

دون حد اديارنا سقنا المنيه

لين صرنا عزوةً يصدح نباها