كلمات اغنية النجم الجنوبي محمد ال مسعود 2026

يوم بيّن بالسما النجم الجنوبي

ماحلا يابو علي سج الركابي

كود تظهر ضيقت ٍمبطي تجوبي

من سببها بان غيي من صوابي

ياسعود العشق عيب من العيوبي

وعيبي اني عنه ماصكيت بابي

لين تاهت خطوتي وسط الدروبي

 وما لقيت اللي يبي ينقل عذابي

غير صدرٍ لو مهو الصدر الجنوبي

يوم ضاق وضقت حتى من ثيابي

ماتقول اني عن الهرج محجوبي

كني اللي داريٍ كل درابي

من نشدني اعن الحزن قلتله دوبي

شاكيٍ همي على روس النوابي

من هوى اللي يوم راحوبي وجوبي

وابعدو وقت الذهاب امن الايابي

كل ماناديت ماحدٍ لد صوبي

كن حبي يوم ماردو جوابي

كوم ريشٍ منتثر قدم بالهبوبي

بعد ماهو ثابت مثل الهضابي

بالصدور اللي قبل لو قيل توبي

ماتتوب امن الهوى لو تستتابي

مير قفت ركبهم يم الغروبي

وانتحى الحظ الردي شرق وسرابي

عن عيون اللي كما الضبي اللعوبي

يوم بين موقف ماهو ضبابي

من كثر لاحراج من هرج امحبوبي

افرك الكفين وادخلها المخابي

كن حل المشكله في جيب ثوبي

والبلا ماهو التشتت والتغابي

من ليالٍ لابرق حدر النصوبي

بارقٍ نوره كشف وجه السحابي

منه رجلي لامرح العالم تلوبي

وان ذكرت اني شقيت ولادرابي

ياوجودي وجد من طاح معطوبي

من سيوف الهند والا امن الجنابي

بعد كونن في نهايته امغلوبي

من نشده ايقول لاتحسب حسابي

تحت ربٍ طالبه يغفر ذنوبي

وان دعاني منه مرسول وغدابي

علم اللي لو مانوب ينوبي

جا نهار قدر المولى غيابي

الكبود اللي من فراقي تذوبي

لاضمن ماضن يرويهن سرابي

مالهن غيرك مع الناس محسوبي

لايضيعن ضيعتي بآخر شبابي