كلمات اغنية شغل الموتر محمد الدلان 2020

نحمد الله نعرف ان الكون بامر الله داير

كافل الارزاق ربي قاسم حقوق الخليقه

ياهبوب الخير لا جتنا من اليمه بشاير

ارحبي ترحيبت البداون بوجيهن طليقه

يارفيقي شغل الموتر مدام القلب فاير

مايلوق يشغله غيرك اذا تبغى الحقيقه

سوقه وتله لقاع الصيد فيه الجول طاير

دام ربي فرج الكربه ونفسٍ مستضيقه

اعبر المنفذ و خرج واتجه يم الفراير

يمتك مشمل لقاع السود ابو سرعه طليقه

المواتر كنها برقٍ لمع بالقاع ناير

سرعته تقطع دبل عشرين كيلو بالدقيقه

الله اكبر قدرت الله فوقنا و القلب حاير

حايرٍ من لوعت الدنيا وانا دموعي غريقه

ومن قديمً نقنص الرتقه وادوج ابها وساير

سايرٍ يم مهزول وشبت بقلبي حريقه

قاعها شبك وبها اجروف ونثيرة تواير

وين تلقى الصيد دام الصيد ماتسمع نغيقه

من فضل ربي بكيفي ماحسبنا للكباير

دام يمناي الخوي اللي ينومس في رفيقه

نضرب القاع البعيده مانفكر بالخساير

شوقنا نذبح ونصلخ نبري النفس الشفيقه

نذبح الكدري عسانا نتوب من كل الشراير

وان لقينا الصيد قلنا الصيد هذا بالعليقه

لافقع ً قدام عيني ثرت انا والقلب ثاير

وثار منهو سايق الموتر ولا شين يعيقه

ياحلو شوفه ليا قفى ذاعره صوت التواير

وان تقفوه النشاما حول مضيع طريقه

سايق ً فنان ورميً زين بعلوم الحراير

كل صيده بفشقتها وان ثنت ماهي حقيقه

والله انى يالنشاما مانحب الصيد جاير

مير لاشفناه دون شعور نحرقه ٍحريقه

وغيرنا من فعلنا يقعد وهل امن العباير

و النفوس الطيبه تستاهل المسك ورحيقه