كلمات اغنية مافي مثل الأم محمد الزعابي 2019

مافي مثل الأم

مثل ما نبضات قلبي انطق اسمك لا ارادي

في ذهابي و الايابي غير يا امه ما انادي

في وجودي في غيابي دعوتك توصل فؤادي

ياالي في حضنك الاقي راحتي وفرحي ومرادي

من هو غيرك يحتويني

و يمسح الدمعة بعيني

غالية يا امي الحنونه

يا بعد عمري و سنيني

ما ابي الدنيا بلاها

امي ما عندي سواها

يا الله احفظها وطول

عمرها وثبّت خُطاها

رضى ربي من رضاها

ويل من قصر معاها

ياالي امك صوب عينك

أمك لعينك ضواها

كلما حاولت اوصّف يعجز الحرف ب لساني

لو بقية عمري اوقف اخدم بروحي و كياني

واهجر العالم عشانك واوهبك حبي وحناني

ما اوفي بعض حقك لو عطيتك كل زماني

من هو بصغري وشبابي

و أول و آخر كتابي

كان يرعاني بحبة

محدن غيرك درى بي

من تعب مثلك و عانى

من سهر لاجلي زمانه

من حملني من هو ربئ

من هو رضعني حنانه

دنيتك تحلى بحلاها

طيعها وخلك معاها

مافي مثل الام واسئل

من فقدها كم بكاها

ما يكفي وصفك اكبر من كلامي و العبارات

ميزك رب الخلايق انتي في كل الديانات

جنتي بأدنى رجولك يحفظك رب السماوات

وانتي في دنياي جنه وانتي في أخراي جنات

يا أصيلة في فعالك

يا أميرة في دلالك

امي يا امي يا يمه

ياجعل روحي فدالك

اوعدك يا امه اصونك

وافدي بروحي عيونك

أمه يا يمه يا امي

ما ابي الدنيا بدونك

ادعي تبقى لك عساها

واركض ودور رضاها

حظ من هو راضيه امه

عنه تدعي له ب دعاها