كلمات اغنية الاية محمد الماسي 2025

الاية

النّسيم البارد يهبّي

ونار شوقي لي مورّايه

ونّتي ونّة على محبّي

دانةٍ في غزر ملقايه

باتت الأشواق تلعبّي

لعبة المويات بالمايه

في حشايه ناره تشبّي

من لهيبه بادت اعضايه

ياوليفي حبّك مغبّي

في الدّفاتر لي مخبّايه

كود يسلم حبّك وحبّي

من حواسد مالهم حايه

هوب ذنبك لا ولا ذنبي

إن سرت فالليل سرّايه

إنت عوق السّاري الصّبّي

وانت طبّي لي به شفايه

ما ذخرت الزّين ينصبّي

ولي وصلني كافي كفايه

إن دعيتك قمت لي ملبّي

ولا خْذلت يمناك يمنايه

بالمحاسن خالقك ربّي

يالكفوف اللّي محنّايه

م انوجد مثلك ولا شبّي

في شبابك زينك الآية

انت أحلى من مشى ودَبّي

يالجواهر لي مغطّايه

ع السّنع والطّيب متربّي

كالشّير تسقيه سقّايه

من غلاتك ساكن اللبّي

وانت شوقي فسر معنايه

وشكوتي شكوة من يحبّي

هاض مابي دوك دعوايه