كلمات اغنية البارق محمد الماسي 2025

البارق

برقٍ لمع في عارض الخد

وأرّق عيوني من وميضه

أَسْفر وَأََنْوَرْ مايس القد

غالي ومَحْدٍ لي يعيضه

الدّاج منشوله ومسْوَد

فوق المناكب لي عريضه

نور وظلامٍ فيه يمتد

والليل يفخر في نقيضه

يلسة ملك يَالس ومعتد

ولْيا نهض محلى نهيضَه

أدعج غَنَجْ ما نَافِسَهْ حد

والعين لِي تشوفه حظيظه

الْخَشْمَ معْكوفٍ مهنّد

والجمر ثغره لي يغيضه

وَردٍ يعانق صفحة الخد

وَرْد الخزامى وسط فيضه

في خافقي له باني السد

عنها النّفوس اللّي مريضه

محروز عن قول المَنكّد

أهل الوجوه اللّي بغيضة

سنّه غرام الغير يا ود

والّا غرامي له فريضه

غرشوب ما له فالحسن نِد

نور المدن قلبي ونبيضه

مخلوق من لولو وَعسْجَد

لاضي لضى يلفت لظيظه

فاتن مفاتن تتعب العد

مفنود اسمه فِي العريضة

عن شوف عينه مَالِيَه بد

وقت الشّتا والّا بِقَيضَه

لقياه عيد القلب يسْعد

وفرقاه يا عيني غِميضَة

بحر المحاسن مَدّه الْمد

فيه الكنوز اللّي بهيضة

هيهات مثله حدّ يوجد

نادر ولا له من عِويضَة

إغزيّلٍ لا من حضر سَد

مزيون جوّي لِي يهيضَه

يرْعِدْ وَخَدّ البارق يرِد

والغيم هايم في وميضة