كلمات اغنية شارع اكسفورد محمد الماسي 2025

يا مزنةٍ رشت اقلوب المعاطيش

طشاش ويبرد ع وجهي الطشاشي

رش المشاعر لين ما نبت الريش

وفرد جناحين الغلا بنتعاشي

تاضي وما بين القمر والثرا تعيش

رقة مفاتنها تثير اندهاشي

يوم اقبلت تمشي لسوق الطواويش

تستام من غالي التبر والقماشي

مرية البحرين وختومها ايش

الماس وعقود الذهب والكواشي

متزينه ما زينوها الدراويش

تدفع على باب التفاصيل كاشي

معها عشر يمكن فصيله من الجيش

سوت فشارع اكسفورد ارتباشي

المذهله تذهل اعقول المداغيش

عود الغتل ناشي على العز ناشي

تنزع خفوقي مثل ما ينّزع فيش

والقلب بحساس المحبين عاشي

عاقل وما فيها كباره ولا طيش

فيها كرم حاتم وحلم النجاشي

انا وخفاقي سرينا مطاريش

نتبع خطاويها ورديت ماشي

سألت قلبي ليش هذا العنا ليش

عود محلك لا ثير النقاشي