كلمات اغنية حي ابجواب محمد المنهالي 2024

حيّ ابْجِوَابٍ يا: وْمَعْدود

‎من شاعرٍ له فَنّْ عادات

‎نَظْمَهْ شَرَاتْ الدِّر مشْهود

‎فِي مِنْ ايْعُوقَه فِي الامارات

‎مَشْغُوب مِنْ صَافِيينْ لِخْدود

‎يَللّي لِهُمْ في اْلخَدّ دَقَّات

‎يَلَّلي نِسَمْهُمْ نَفْحِةْ اْلعُود

‎يِحْيُون ويْمِيتون ساعات

‎والوقت مَعْهُمْ جَنِّةْ اخْلود

‎في مِنْتَهى إنْسْ أوْشَراغَات

‎لو هو بِعيْدٍ مَعكْ موجود

‎قَلْبِكْ أوقَلْبَهْ قَيَّلْ أوْ بات

‎الوقت عنده هُوبْ بمعدود

‎واِنْ مَرّ عنده هَبْ خِسَارَات

‎عَسَاكْ تِتْهَنّا أوْله اتعود

‎ويبِشّ لِكْ قَلْبَه ابْراَحَات

‎وِيْصَافِحِكْ بَاحْلا: مِ لِخدود

‎من مِبْسَمٍ زَاهِي ابْدَانات

‎بو شْهَابْ مَعْنَا عِنْصرْ أوْ جُود

‎بَارِزْ وواضِحْ في الإمارات

‎يلْزَمْ عَلَيْنَا حَقَّه اردود

‎يَللَّي يِنظِّمْ حِلْو لابْيَاتْ