كلمات اغنية فاتنة قلبي محمد خضر 2023

ياغلاة القلب يانور العيون

ياقمر يضوي وياصدرٍ حنون

ياأميره تآمر القلب وتمون

صاينٍ بالقلب حبك والعهود

اضحكي والتوت يغمر هالشفاه

وتبتسم في شوفتك كل الحياه

والعطر ياخذ من انفاسك شذاه

يجمع المسك المعتق والورود

ايه احبك حيل واتنفس هواك

وارخص الدنيا لجل لحظة رضاك

استلذ بنطق اسمك وبنداك

انتي يااغلى ماانخلق في هالوجود

فاتنة قلبي ولافيها ملام

حبها يطغى على كل الانام

من حلاها مايوّصفها الكلام

قدرها فاق المعاني والحدود

الجمال اليوسفي فيها حكى

الحسن بااجمل ملامحها حظى

ساقها الله لي في دعوة رضى

وامتلت فيها حياتي والوجود

يافديت النور ياهذا الجمال

انتي والله فتنة السحر الحلال

انتي عمري انتي لي كل اكتمال

المشاعر كلها فيني حشود