تاريخ طرح اغنية محمد سلطان الجديده اقسم بالله ما أسامحكم
٢١ مايو ٢٠٢٥
كلمات اغنية اقسم بالله ما أسامحكم محمد سلطان 2025
فواتير جدعنتي دافعها
ومحدش حاسب غيري
دفاتركم لو هراجعها
يبقى هنتحاسب ميري
أسألوا والناس هيقولوا
لحم كتفاكم من خيري
دايما مدعي فـ أحزانكوا
وفأفراحكم تنسوني
اديت ومخدتش منكوا
عليتكم وقعتوني
وحاربت الدنيا عشانكوا
ولقيتكم بتحاربوني
على وش الدنيا بحالها
مين اللي سندكم قدي
بخسر من عمري معاكوا
أيام عمالة تعدي
ودا كله فاكركوا معايا
فتحت لقيتكم ضدي
انا متوقعتش أبداً
يطلع معدنكوا مصدي
انا خايف يوم أدعيلكوا
من نيتكم يديكوا
تولعوا مطرحكم ولا
تتهد الدنيا فوقيكوا
فاكرين إن انا هتنازل
وهسامح على بلاويكوا
أقسم بالله ما أسامحكوا
دا أنا هفضل داعي عليكوا
انا واخد مقلب فيكوا
ما أنا كنت فاكركوا جواهر
واتعلمت على ايديكوا
بطلت أحكم بمظاهر
فـ قلوبكوا الغل ماليكوا
وعلى وشوشكم مش ظاهر
انا اسف طيبتي الزايدة
خلتكوا تدوسوا عليا
حبيتكم ومفيش فايدة
جواكم سوء النية
وحياة نار قلبي القايدة
ما أنسالكم أي أذية
على وش الدنيا بحالها
مين اللي سندكم قدي
بخسر من عمري معاكوا
أيام عمالة تعدي
ودا كله فاكركوا معايا
فتحت لقيتكم ضدي
انا متوقعتش أبداً
يطلع معدنكوا مصدي
انا خايف يوم أدعيلكوا
من نيتكم يديكوا
تولعوا مطرحكم ولا
تتهد الدنيا فوقيكوا
فاكرين إن انا هتنازل
وهسامح على بلاويكوا
أقسم بالله ما أسامحكوا
دا أنا هفضل داعي عليكوا
اغنية اقسم بالله ما أسامحكم محمد سلطان 2025 بالكلمات مكتوبة كاملة من كلمات احمد غريب والحان محمد سلطان وتوزيع طه الحكيم تم طرح اغنية محمد سلطان الجديدة على القناة الرسمية على اليوتيوب بتاريخ ٢١ مايو ٢٠٢٥ من انتاج( جنا - طيبة - شهد ) كوبليه كلمات اغنية
- كلمات : احمد غريب
- الحان : محمد سلطان
- توزيع : طه الحكيم
- إنتاج : ( جنا - طيبة - شهد )
