تاريخ طرح اغنية محمود المهندس الجديده رمضان بيخبط (نورت يا رمضان)
٢٣ أبريل ٢٠٢٠
كلمات اغنية رمضان بيخبط (نورت يا رمضان) محمود المهندس 2020
رمضان بيخبط (نورت يا رمضان)
افتحوا الباب رمضان بيخبط جاى و معاه فوانيس و ياميش
ناوى يقعدلو تلاتين يوم اوعو تزعلوه لا يروح مايجيش
ده ضيف خفيف قعدته حلوه على الفطار بيجمعنا
سواء اكله جاهزه بايته بنلاقيها بتشبعنا
بعد الفطار هنحلى بأيه اطايف و لا قمر الدين
و اعملوا حسابكوا بعد الفطار هننزل نتمشى فى الحسين
بحس برمضان لما اشوف زحمه فى التراويح كل يوم
واسمع مسحراتى بيقول اصحى يا نايم صحى النوم
نورت بيت بيت فى الحته يا رمضان
كنت مستنى من بدرى هلالك يبان
سامع وحوى يا وحوى رمضان جانا فى كل مكان
وشايف ناس قلوبها طيبه ومليانه ايمان
علقوا الزينه فى البلكونات شغلوا الراديو عالنقشبندى
حضروا السحور زبادى و فول و متنسوش التمر هندى
و بسرعه علشان نلحق نصلى قبل الفجر قيام الليل
و نقرا ورد من القرأن و نسبح لوقت طويل
قبل ما تيجى بوجى و طمطم بينا نجهز شنط رمضان
يادوبك ننزل علشان نلحق نوزعها فى كل مكان
وصحيح بكره هنفطر فين فى بيتنا و لا معزومين
اصل رمضان بيقربنا و كل سنه و انتوا طيبين
اغنية رمضان بيخبط (نورت يا رمضان) محمود المهندس 2020 بالكلمات مكتوبة كاملة من كلمات نسمه فؤاد والحان محمود المهندس وتوزيع محمود المهندس تم طرح اغنية محمود المهندس الجديدة على القناة الرسمية على اليوتيوب بتاريخ ٢٣ أبريل ٢٠٢٠ كوبليه كلمات اغنية
- كلمات : نسمه فؤاد
- الحان : محمود المهندس
- توزيع : محمود المهندس
