كلمات اغنية نفسيات تعبانه مروه يوسف 2024

انا شاطر جدا جدا جدا في اختيارات الناس

و بروح دايما للي هيتعبني و ماعندوش احساس

و كإني بدور على ابره في كوم قش اتعور بيها

مابيهداش ليا انا بال غير لو لابس في الحيطة خلاص

اسم الله عليا ناصح فعلا و مدقدق في العلاقات

و بموت في اللي يضيع وقتي و اللي يخسرني حاجات

صياد نفسيات تعبانه و عقول الشر ماليها

اجدع حد يلبس في الحفرة تلت و اربع مرات

يابا يابا يابا .. هو حظي ماله يابا .. نفسي اقابل ناس غلابة ... طيبين

يابا يابا يابا ... اللي عايش وسط غابة ... يتقي شر الديابة ... ازاي و فين

ياني ياني ياني .. ويا الناس انا بعاني .. ايوه طيبتي مبهدلاني .. اعمل ايه

ياني ياني ياني ... حد يجي يعيش مكاني .. و ينقي و يختار بدالي .. و عيني ليه

لو تعرفوا واحد محتاج يجرح يظلم انا موجود

في الخدمة لأي قلوب سودا مش بتصون اي وعود

تقولوش عندي انا قوة جذب لكذب الناس و اذاهم

د انا ناقص ألم المؤذيين و اعمل ليهم عروض

كل واحد يدخل جوه حياتي يخرب فيها يومين

بأمانة انا بختار بعنايه و ع الفرازة الخاينين

أحسن واحد يدي نصايح و لا عمره بيعمل بيها

هتعلم امتى انا مش عارف د انا مستوي ع الجانبين