كلمات اغنية أشوف مرايتي مزعل فرحان

احس مرايتي تنقد على شايب آشوفه شاب

تشوف مرايتي شيبي واشوفه طفل في عيني

اجامل باقي سنيني اقول ان العمر كذاب

احسب ان المشاكل فيه وآثر آلمشكله فيني

نعيش الوقت وتمر الليالي ما لها حسّاب

وفي لحظة فكر هوجست وش باقي من سنيني

قمر ذاك الشباب الي من اوّل للأسف قد غاب

وشمس الشيب بانت واشرقت والنور معميني

شبابي راح ما ودّي وشيبي ما عنه مجناب

غـدت كـل السـنيـن وكـنّـهـا يا نـاس يوميني

افل الروح وامضي في مكاتيبي مع الاصحاب

وانا احسْب عمري الحاضر مثل ماضيه إلى الحيني

وشفت مرايتي والوجه شيّب والشعر قد شاب

ومن شفته وكن الشيب من نومي يصحّيني

يقول ان العمر بيد الوليّ الواحد التوّاب

وبـ ان الموت عابر فوق سبعيني وعشريني

وبان الموت لا جا العبد ياتي له بدون اسباب

ولا ينجـيـه غير انه معا جمع المصليني

يعني كل هـ العالم سلاطين ودول واحزاب

لهـم نفـس القبـر محفـور تجّار ومساكيني

وصاتي يا علي درب المراجل كون لها كساب

ترى طاري الرجل باقي ولو هو مات يا عيني

تقداء في ابوك وخل ياسر لك طريق وباب

تنشد عن وفى الضلعي وتلقاها عناويني