كلمات اغنية مدح ابن مكتوم مسعود بن شعفول 2025

 مدح ابن مكتوم

الشعر مثل الذهب في جودته و اصنافه

والمواهب قسوة معاناتها تكفلها

ويش روّج قصة الشاعر معَ مشرافه ؟

لو قدر يشرح ظروفه ما قدر يزهلها

ودي ان مشاعري فوق الورق شفّافه

ما تحدّ المستمع لا جاته يحللها

ماقدرّت اوصْل ضميري بالشعر لاهدافه

لو قدرت اعيّش الاحداث ، متخيّلها

ادري ان هذي ضريبة نفسي النوافه

مستحيل انها تخوض من الدروب اسهلها

دامني ماذخر رصيدي داخل الصرافه

كيف بذخر لي قصيده عند مستاهلها ؟

اشهد ان حمدان لبيوت القصيد اضافه

اصوكٍ يكحل عيون الشعر و يجمّلها

كل موقف طيب سواه ورماه خلافه

حقق آمالٍ تغذّى الياس من ممّلها

كم نفوسٍ كان تسبر غيبها و تخافه

لدّ فيها وضمنت نظرتهْ ، مستقبلها

نشوة الشيخ الفلاسي كافيه لانصافه

خلت اصحاب المعالي تحقر معولها

مااكتفا في طيب شيبانه ومجد اسلافه

كل يوم يدشّن الامجاد و يواصلها

عنده لكل الامور الكايدات عسافه

يمهل ظروف الليالي بس ما يهملها

الله مبارك على رايه و حبكة قافه

يكسب عقول الرجال بكملة ٍ قايلها

اي صرح يكون تحت رعايته و اشرافه

يجعل العالم تعيش من السنين اجملها

الذلول السابقه والمهره الحذافه

صخّره ربي تعالى رحمة ٍ لـ اهلها

يشكي التاريخ من فزاع و استنزافه

مابقى صفحه من التاريخ ما كملها

مدح ابن مكتوم بحرٍ مابلغت اطرافه

سيرته تنهي القريحه عادني ف اولها

يكفي انه وقف الدنيا مع ميقافه

يوم فاز بـ هقوة ما كل ٍ يحصلها

سلّم الحاكم مقاليد الثقه لاكتافه

يدري ان متنه يشيل من الحمول اثقلها