كلمات اغنية الذهب مسفر السندوانة 2025

ما كتبت الشعر لي مدّة

لين همت بنظرة عيونه

فيه أجول الشعر وأعدّه

وأوزنه وأردّد لحونه

شادنياً تلني ودّه

فارقٍ في شكله وسونه

ما خُلق فـ الغيد من ندّه

فايقٍ عن كلّ مزيونه

يسفر الكون بسنا خدّه

والنحر برّاق ف مزونه

لا تمایل وانثنى جدّه

وانتشى يمشي على هونه

خافقي من مهجتي شدّه

وانجرف واختلّت ركونه

ما تحمّل منه الصدّه

هو ملاذ القلب وحزونه

بس قولوا لي وش يسدّه

دام فيه الروح مرهونه

الذهب لو حطّ في يدّه

في أنامله اختفى لونه

لين بيّاع الذهب ردّه

وشكّك بناسٍ يصنعونه

اندهش وأجول من قدّه

ويل حال اللي يمارونه

قد وعدته ما أفضي بسدّه

وأنا عند الوعد وأصونه

صاحبي وأضد من ضدّه

والغلا له تاهت أغصونه