كلمات اغنية راعي حربه مسفر السندوانة 2025

راعي حربه

يالسندوانه عداك اللوم يا بو سعيد

حضرت وجناً تشوق العين بأوصافها

والفوز عهد لكم ماهوب شي جديد

تمشي عيال الحرار بسيرة اسلافها

يوم انطلق شوط حربه كنهم جول صيد

جوازي ذيروها والفشق حافها

تجاوزتهم على يدها رويد رويد

اثقال اسامي هل الميدان واخفافها

تنزحت يوم حاكاها وراحت بعيد

خلت جميع الهقاوي تقد اخلافها

قد حاولو سبقها لكن قامت تزيد

كم واحد سمع اذاعتها ولا شافها

ترهي على المركز الأول بليا نديد

ما كل من ساق هجنه بالعصى طافها

والرمز يبغى صميدع راس قلبه حديد

إلى بدت له جموع القوم ما خافها

إلى اجتمع كل طامع فوز من كل بيد

عجاجة الطامعين الخير بأطرافها

قدم لهم راعي الصمله غزال فريد

نسنوسها من سيوف الهند وأرهافها

فجا كراسيع نشلا وارقبتها جريد

بان السعد في مواريها لـ عسافها

أصيد في شكلها الجذاب واخطي واصيد

الهجن والغيد ياما تاه عرافها

يوم أقبلت ضاع فكري في جزال القصيد

ورت الطيور الجوارح فوق مشرافها

أريد وتريد والله يفعل اللي يريد

وارواح الابطال ترخص دون ميقافها