كلمات اغنية في رفيق له غلا مسفر السندوانة 2023

اتشالى بالقصايد كلّ ماصدري تضايق

وآتسلّا واكسر الهاجس على فنجال دلّه

واحمد الله واشكره ذا الليل متنومس ورايق

ولانويت اكتب قصيد الاقصيدً في محلّه

في رفيقً له غلا مخصوص من بدّ الخلايق

افرح بزوده ورفقتنا على مذهب وملّه

ان بغيته في لزومي ساق عمره دون سايق

وان بغاني في لزومه يعتبرني مثل ظلّه

وان نشدتوا قلت نجم سهيل عالي ويتوايق

كسّر الارقام نجم الموسم الله لايشلّه

وفي ختامي الختاميّات شاهدنا الحقايق

شارك سهيل وتميّز بالشواهد والادلّه

اول الغيث انتزع بعد العصر كاس الحقايق

قدّم البكرة قرار وقررت والكاس شلّه

من رهاوتها على الّلي عندها كنها تهايق

شكلها فارق وللناموس قدهي مستخلّه

وفاللقايا شارك بسمحه رغم بعض العوايق

آخرت فالانطلاقه والحقت قدهي امغلّه

واخطفت كاس المعزّب وافسدت كلّ الطرايق

كاس ابوخالد عبر لاهل الوقن والفضل لله

وان بغيتوا تيم سمحه بالثواني والدقايق

سبع واثناعش واربع جزء واحد مانزله

وبندق القعدان صادرها كفووو والاسم لايق

بعد ماجات النتايج مركز العزّ استحلّه

اختتم موسمه ابن رملي وسجلنا الوثايق

بندق وكاسين من غير المواتر في سجلّه

جودة الأنجاز مثل الفعل متميّز وفايق

ودايم اسهيل بالرملي فايزً بالطيب كلّه

وابوسالم في كبود اهل الحسد شبّ الحرايق

وافرح اصحابه ويستاهل جميع اللّي حصلّه