كلمات اغنية هجن الضيوفي مسفر السندوانة 2025

 هجن الضيوفي

لي وقت ماكني على صحصح البيد

كن المخايل جوف صدري رعدها

وراسي تردد فيه الاصوات ترديد

كنه صخب محبوبه ان جاء وعدها

وخط النهايه صار مهوب ببعيد

وتزعمت والهجن كله بعدها

وقامو يزيدون الهتافات وتزيد

لين تخبط خط النهايه بيدها

في هجن محبوبات لشعر تجديد

اسمٍ منصات المفاخر صعدها

اسمٍ يشرف في جميع المواعيد

لا نافست برا تشرف بلدها

قد قالها سالم مرار وتراديد

ومحمد اكدها وثبت سندها

اما نوردبها عذي المواريد

ولا نريحها لا تبذل جهدها

هجنٍ تخلدها التواريخ تخليد

ماجابها الا واثقٍ في سعدها

من زملها لا حيلها للمفاريد

لا حطوا اشواط التنافس بجدها

هجنٍ ملامحها مثل شرد الصيد

تدخل على اقوى شوط وتجي وحدها

اسمٍ ليا كلن تقدم يبا الفيد

يقدم وغالية الجوايز حصدها

تحت اسم شيخٍ ماتجيه المناقيد

عند اتنافس كم كبدٍ لهدها

شيخٍ عشقها عشق ماهوب تمجيد

لا طب سوق الغاليه يفتردها

اللي على اسمه تنتسمى المواليد

امحمد اللي كل صعبه وردها

محي تراث جدودنا وتقاليد

واللي تميل عن السنع ينتقدها

اي والله امدح فيه وقول وأشيد

راعي مواقيفٍ ما يحصى عددها

مابين صلح وبين فزعه وتسديد

والفزعه اللي من بغاها وجدها

تفاخرو فيه الرجال الصناديد

بني عطيه تفتخر في ولدها

ابو يزيد المدح في حضرته عيد

النعم في بنك المراجل رصدها

قرمٍ على يمناه خير الاواليد

اخوه في حلو اليال ونكدها

عوده يجسد حب الاخوان تجسيد

وعز البيوت الشامخه من عمدها

واسم الضيوفي يعطي المجد تاكيد

زد صفحة التاريخ بالمجد زدها