كلمات اغنية اه يالغربة مشاري بن نافل 2020

اه يالغربة وطاريها الثقيل

فتنة الصابر وهمه كل ليل

ايه ابقدم والطريق ادري طويل

للمشاعر جوع محدن يشبعه

وانت ياللي بس تسأل كل يوم

الله اللي مدنا قوة عزوم

ما تزعزنا السوالف والهموم

والله انا مانحب الزعزعه

انحني الله واطلب ما ابيه

غير ربي ماعبدت ولا ارتجيه

من طلب ربه معونه ماعليه

الله اللي يعطي العالم سعه

ماتغيرنا الليالي والسنين

ماشيً بالدرب والخافي يبين

ماعلينا من كلام الحاسدين

كل طيب ربه اللي يرفعه

امسح بكف الامل همً ثقيل

ما يقلل قيمتي هرج الهبيل

ملتزم بالصمت والصبر الجميل

رحلة الغربة ثوابت مقنعه

هيه ياللي شفت نفسك فوق فوق

غرتك نفسك وضيعت الحقوق

انتبه من طيحت من بعد عوق

كل شرً ما جهلنا منبعه

الضعيف ضعيف فعيون الرجال

لو لبس له بشت وشماغ وعقال

مثل هذا مايجي لي راس مال

يترك المحتاج وقت المنفعه

عزتي تبقى لو ولو طاحت صروح

وغير هذا مابقى كلمة وبوح

والصبر مرهم وبلسم للجروح

لو نعيش بهم ولا معمعه

دامها تمشي بمشيها كذا

لو حصل فيها مجاريح واذى

يا نطيح بورد ولا في شذا

المهم الدين دايم نتبعه

غربتي طالت ولاعندي زهاب

ماشكيت من المواجع والعذاب

واتصبر احتسب جزل الثواب

والرجا باللي خلقني ماقطعه