كلمات اغنية نعم الخوي موسى العميرة 2022

(( ياهجوسي عدّي بروس النوايف

وامطري عذب القوافي من سمايه

مفرداتٍ كنها ضرب القذايف

من يد القناص بصفوف الرمايه))

——-

للمدينه خاطري بالحيل عايف

والتمشي مطلب النفس ومنايه

ماحلا سج القدم والجو كايف

(( والمشي في رغبة النفس وهوايه))

—

بين خضر البيد وجبالٍ نوايف

تعمل لصدري من الضيقه حمايه

مع رجالٍ عرفهم ماهو حسايف

((طيبهم ثابت ماهو هرج ودعايه))

—

مايحسبون المصاعب والكلايف

المراجل عشقهم في كل غايه

العقول ثقال مافيهم خفايف

(( مشيهم يحمل مقابيس الهدايه))

—

يعشقون المشي من بين المصايف

كلهم نعم الخوي عرف وروايه

عندهم مبدأ مثل حد الرهايف

((هكذا يبقون لاحد النهايه))