كلمات اغنية مسّيتي ميس حرب 2021

عيونك مساهن ريت ربي يسعدو

وعن لبّ قلبي سهمهن ما يبعدو

وكل ما تمري ويرعشوا جروح الغرام

بكون رمشك جاي يوفي بموعدو

مسّيتي وخيوط الروح مسّيتي

ومتل البلسم عالمجروح مريتي

مريتي وغاروا الحلوين

من الرِّقة وسحر الياسمين

والدقة بقلبي المسكين صحّيتي

دَقّة قلبي الولهانة ورعش الشريان

وناري الكانت غفيانة بصدري البردان

شعلوا وذوبني الغرام

بعطر زرارك والأنسام

بوجهك شفت الدنيا ورود والألوان

آيات وشرع العشاق سنيتي

آيات الحسن تجلّوا وبلّش نوار

يتباهى بغنجة فلّو وهفهفة الغار

ندّ وجوري وفوح طيوب

وشلال الشعر المسكوب

من الغرة بينقل أسرار للزنار

كل ما بظلا نظرة شوق خبيتي

نظرة عينك برّاقة وخدك مهضوم

وشمس جبينك حرّاقة متوّجها نجوم

نظّمها شاعر فنان

بمحار ولولو ومرجان

رصّعلك عقد الألماس والمبروم

سعرو بزندك عشر ضعاف غليتي

نظّمتلك كلماتي وزينت سطور

وعتقتلك أبياتي بجرات خمور

استحلوها وشربوا العشاق

لهفات وحب واشواق

حسّوا بقلبي مولع نار والمستور

بان بقولي وعالمغروم دليتي

مغرومك غنى فنونو بأجمل هندام

حروف الودّ من عيونو شِبْعت إلهام

رقة ودقة ولطف وذوق

وغيرِة وحرقة ولهفة وشوق

درّ تحلّى بجرة قوس والأنغام

شدّوكي وبعهود الحب وفّيتي