كلمات اغنية أفراح بالأسود نادر الشراري 2025

 أفراح بالأسود

يالله مساء خير ياللي به تمسّون

سراني البوح واتعبت المحابر

حذفت له غترتي من فوق طبلون

على دروب الشعر ما جيت عابر

قافاً على ما تمنّى و ما تمنون

لعيون نسل الأشدّة و الأكابر

خالد و جزل المديح يجيه بلحون

اتعب وراه الحساب و كل شابر

ترا المراجل لها يا ناس قانون

قانونها واضحً من وقت غابر

في فعل خالد بدا ياللي تشوفون

مقدام وان غلّقت لا بد صابر

في كل موقف كبر في عينه يهون

يقدم الطيب و يفك المعابر

يالباطنة في ثراك المجد مفتون

وصحار متزيّنه بفرح الجوابر

قبيلةً بالكرامة تملي الكون

مكانها بالقمم قبل المنابر

بالأسود اللي معاه المجد مقرون

تندى يمينه كرم للفقر قابر

يا مرحبا والغلا بالصدر مدفون

بضيافة اللي به العالم تخابر

يحيى و كفّه يشابه نهر أمازون

والناس تفرق مناظر مع مخابر

ناساً بوسط القلوب و ناس بعيون

ترحيبهم وصفة مجرّب و جابر

تاريخ بالأسود اللي به يغنون

سيرة بماء الذهب ماهوب دابر