كلمات اغنية الشمال ناصر العيافي 2025

حي غيمٍ تبدّىٰ وأبرق من الشمال

والحنايا افرحت به يوم وبله هما

وفوق خيمة هوانا ينهمل انهمال

وبدويٍ بخفّاقك لقلبي حمى

والطبيعة تباهت واكتست بالجمال

ازهر القاع فيها وكل عشبه نما

من جمال الطبيعه شيٍ من الخيال

نحمد اللي عطانا الخير رب السما

وكل حيٍ يشوف الحسن من كل جال

وكان ماشفت حسن الكون صابك عمى

اشهد انه يزين الحال ويزين بال

لا هما الغيث وبأحضان الفلا ارتمى

وانت ياللي في بالي كلما جا مجال

اذكرك كلما هب الغلا كلما

الغلا والسحايب بينهم اتصال

جاريينٍ بقلبي مثل مجرى الدما

بعد غيبه طويله ايه محلا الوصال

مثل غيمٍ يعانق روض بعد الظما

شاقني البرق يومه اومض من الشمال

وأرعد الشوق فينا وهماله همى

تشتعل نار شوقي بالحنايا اشتعال

وشوف طيفك تجلّى وبالضلوع احتمى