كلمات اغنية ترا المحبه ناصر العيافي 2021

ترا المحبه

حنا معادنا اصيلات ونظاف

وليا وعدنا مانخون ونبوقي

ابطت مراسيلك عسا مابه اخلاف

ونا عليها ياحبيبي شفوقي

الحق على روحي وقرب لها اسعاف

ترا الحشا ناره تولع حروقي

والقلب حُر ٍ ماكره فوق مشراف

على الحباري والجوازي سبوقي

ياما حلا ذوقه ولو جبت لوصاف

لمّاح نهّاض ٍ خفيف ٍ لحوقي

وحروفنا تسري لك اثقال وخفاف

كله على شان الغظي السروقي

ترا المحبه ماتبي طول ميلاف

والصدق فيها اللي يبل الحلوقي

والساق ساق اللي بها متن ونحاف

وعظامها والفخذ فخذ الفهوقي

والبطن بطن اللي من الجوع خوّاف

وزمّة نهوده بينها شفت عوقي

ولّا نحرها فيه للعين مشواف

مزيّنه ربِّ ولافيه طوقي

وخدودها ورد ٍ به اشكال واصناف

وعيونها فيها رعود وبروقي

والفم خمرة واحد ٍ مايبي هاف

ملعون جد وعارف ٍ بالطروقي

ابوثمان ٍ بيض عذبات وصفاف

وصفي لها وصف المُحب الصّدوقي

وجدايله ليل ٍ يوقّف بالرداف

وتشيله الردفين شيل الطفوقي

والخشم مثل السيف في يد سيّاف

تكفى ترفّق في يدينك خفوقي

ودي ازيد الوصف ماشيّب القاف

وقول له تكفى تراجع حقوقي

وسوالفه وهروجه اعذاب وظراف

ودي اظمّه في حلالي ونوقي