كلمات اغنية جمرة غلاك ناصر العيافي 2019

هب الدجى معه الهواجيس جتني

والليل مدخل للهواجس ومفتاح

وذيك النجوم بضيها سامرتني

والشوق مثل النجم له نور وضاح

وجمرة غلاك اشبها واشعلتني

قام يتوهج بي لهبها ويجتاح

وكان الليالي بالوصل عاندتني

حنا تلاقينا بوجدان وأرواح

وغيومك اللي بالمحبه روتني

رعادها يرعد وبرّاقها لاح

غيمة غرامك بالغلا امطرتني

وقلبي شغوفٍ يتبع المزن لاطاح

هلت بريضان الحشا واغرقتني

صبت ودامت بي ولاهي بتنزاح

ومن عذب غدران الموده سقتني

في وادي زهره على طول فوّاح

خذ مني طيوفك بعد ماخذتني

ابي بقايا خافقي منك ياصاح !

سرقت لك روحك غلا وسرقتني

والحب فيه السرق ونزعات الأرواح