كلمات اغنية حلم ليل ناصر العيافي 2021

ياليل أشوفك طلت وأنا سهرتك

وأشعلت لي ضوٍ على أطراف خيمه

وياصاحبي عادك مثل ماخبرتك

تحب اوقات الشتا وكل ديمه

لا هب نسناس البراد وذكرتك

جتني تظللني من الشوق غيمه

يغمر مطرها القلب وانا غمرتك

إحساس دافي من سنين ٍ قديمه

انت الطريق الممطر ان كان سرتك

وروض ٍ خضر في خافقي في صميمه

يااجمل مشاعر بالحنايا نثرتك

ب أشد لكن ذا المشاعر مقيمه

واعذر حنايا القلب لو ماعذرتك

شحت بنا الايام ماهي كريمه

ياليل هادي بالمشاعر كسرتك

وانا ادعي الإحساس ربي يديمه

سريت لك بطيوف شوقي وسمرتك

ليل ٍ سحرني من برودة نسيمه

وغيمة غلانا هاميه كان زرتك

في حلم ليل يشق نوري عتيمه