كلمات اغنية طاري وذكرى ناصر العيافي 2022

طاري وذكرى

يطرا علي الوصل ليت المقابيل

تسمح بدربٍ سهل مافيه وعري

لاصار قلبي يرجي المزن ويخيل

برقٍ على ريضان الأحباب يسري

يسرقني الهوجاس في تالي الليل

وانثر على أطياف الأحباب فكري

وتمطر سما فكري شعور وهماليل

تنثر علي المزن وينساب شعري

واكتب من حروفي قصيد وتفاصيل

طاري وذكرى واحكي أيام عمري

وانسى من الدنيا هموم وغرابيل

واعانق أحلامٍ بها طال صبري

واشتاق لك وتهب نسمة مواصيل

وافرح بها كني عن البعد ما ادري

واشب ضو ودلتي بن ٍ وهيل

واسهر مع ذكرى على البال تطري

يازين لم الشمل وصب الفناجيل

تروىٰ الكبود ونازف الجرح يبري

وفي وادي احلام الهوى شفتها تسيل

احلى مشاعرنا مع السيل تجري

وكان الليالي العوج صارت بنا تميل

احنا نعدلها مع كل عسري

بالله لا تبطي علي المراسيل

كانك على خبر الحنايا وخبري