كلمات اغنية عيون القوافي ناصر العيافي 2018

والله لابكي لك عيون القوافي

واني لسيّل دمعها من طرفها

لامن بكت والدمع كدرٍ وصافي

ماكني ،،،، الا باليدين ،،، اغرفها

اعذب معاني الشعر ماكان خافي

واحلا الصدف لا وافقت من صدفها

قهويتني والشوق مابه خلافي

ونقدع من عثوق الغلى ونخرفها

صدفه وسجل بالغرام اعترافي

وسق لي فناجيل الهوي نرتشفها

ولاتحسبٍ الحب ضحك وعوافي

عملت وفاء ماكل قلبٍ صرفها

وافي وببقى طول الايام وافي

عزمي غلب كل الظروف وعسفها

فالدرب لوتكثر علي السوافي

حبك يزين في عيوني صلفها

فيك انت ل بحور القصايد مرافي

ومراكب الاشواق تعرف هدفها

وان قالوا ان الشوق ماهو يشافي

داخل عيوني ذيك الاشواق شفها

وان قالوا ان الحب احساس دافي

ياهيه نار الحب حالي تلفها

منك الغلا هز العروق الصخافي

وذيك الزهور الي زرعنا قطفها

واليوم ابكي لك عيون القوافي

وبكره يجي لك يوم تعرف هدفها